ՍԴ դատավորների թափուր պաշտոնի համար առաջադրված թեկնածուների հարցն այսօր քննարկվել է խմբակցության հրավիրված նիստին: Այս մասին հայտնեց  Աժ  «Իմ քայլը»
խմբակցության պատգամավոր Նիկոլայ Բաղդասարյանը` նիստի ավարտին լրագրողների հետ հանդիպմանը:

 

«Դիրքորոշում չի կարող լինել, դիրքորոշումը կլինի այն ժամանակ, երբ մենք կկազմակերպենք քվեարկություն, կկայացվի որոշումը, և մեր գործընկերը կհրապարակի այդ արձանագրությունը, որից կերևա Աժ դիրքորոշումը՝ կոնկրետ թեկնածուի նկատմամբ»,- ասաց պատգամավորը:

 

Նիկոլայ Բաղդասարյանը ներկայացրեց, որ պատգամավորները իրենց հուզող  հարցերը տվել են, ստացել են  պատասխաններ: Պատգամավորը ընդգծեց, որ յուրաքանչյուր  պատգամավոր կքվեարկի և իր խղճի առաջ որոշում կկայացնի:

 

Հիշեցնենք, որ ԱԺ-ը 2019 թ. մայիսի 29-ին մերժել էր  ՀՀ նախագահ Արմեն Սարգսյանի` Արթուր Վաղարշյանին ՍԴ դատավորի թափուր պաշտոնում նշանակելու առաջարկությունը:

 

Մեկ անգամ արդեն մերժված թեկնածուին դարձյալ առաջադրելու մասին հարցի առնչությամբ Նիկոլայ Բաղդասարյանը ասաց, որ  «Իմ քայլը» խմբակցության վերաբերմունքը այս հարցի վերաբերյալ չի փոխվել:

 

Նշենք նաև, որ 2019 թ Արթուր Վաղարշյանի թեկնածությունը ՍԴ դատավորի թափուր պաշտոնում ԱԺ մերժումը պայմանավորված էր նրանով, որ նա մարտի 1-ի վերաբերյալ հստակ պատասխաններ չի տվել:

 

Հայկ Մագոյան

 

730