ԱՄՆ Պետքարտուղարությունը պատասխանել է ադրբեջանական «Azertac» պետական լրատվական գործակալության հարցմանը՝ ապատեղեկատվություն անվանելով ադրբեջանական մամուլում տարածված փաստաթղթի լուսանկարը, որն իբր ընդունվել է ապրիլի 5-ին Բրյուսելում կայացած ԱՄՆ-Եվրամիություն-Հայաստան եռակողմ հանդիպման ժամանակ, որում նշվում են ռազմական խնդիրները։

«Անվտանգության հարցեր օրակարգում չեն եղել։ Մենք ձեզ կծանոթացնենք ապրիլի 5-ին Բրյուսելում կայացած եռակողմ հանդիպման արդյունքներով ԵՄ-ի և Հայաստանի հետ համատեղ մամուլի հաղորդագրությանը։ ԵՄ-ի և Հայաստանի հետ բրյուսելյան հանդիպումը կենտրոնացած էր բացառապես Հայաստանի տնտեսական դիմակայունության վրա, քանի որ երկիրն աշխատում է իր առևտրային գործընկերությունների դիվերսիֆիկացման և հումանիտար կարիքների լուծման ուղղությամբ, ինչպես նաև աջակցելու Հայաստանի ընթացիկ բարեփոխումներին, ներառյալ այնպիսի ոլորտներում, ինչպիսիք են ժողովրդավարությունը և օրենքի գերակայությունը»,- հայտնել են Պետքարտուղարությունից՝ ի պատասխան ադրբեջանական «Azertac» պետական լրատվական գործակալության հարցման։

356