ՌԴ ԱԳՆ-ն, մեկնաբանելով վրացական ԶԼՄ-ների հաղորդագրությունները Մոսկվայի և Թբիլիսիի միջև դիվանագիտական ​​հարաբերությունների վերականգնմանն ուղղված աշխատանքների մեկնարկի մասին, դրանք անվանել է վրացական ընդդիմադիր ռեսուրսների կողմից շրջանառվող սուտ լուրեր:

Ավելի վաղ վրացական ընդդիմադիր Mtavari Arkhi հեռուստաալիքը հայտնել էր, որ երկու երկրների իշխանությունները, իբր, ակտիվորեն աշխատում են դիվանագիտական ​​հարաբերությունները վերականգնելու և Մոսկվայում Վրաստանի դեսպանատան բացման ուղղությամբ։
«Մենք իմաստ չենք տեսնում մեկնաբանելու վրացական ընդդիմադիր ռեսուրսների կողմից շրջանառվող տարատեսակ սուտ լուրերը,- գործակալությանը հայտնել են ՌԴ ԱԳՆ-ում։

160