ԱՄՆ-ն նշել է, թե երբ Ուկրաինան իր զենքերով կկարողանա Ռուսաստանին հարվածելու հեռահարությունը մեծացնել
![](https://araratnews.am/admin/images/1719992696.webp)
Կիևը Վաշինգտոնի թույլտվությամբ կարող է մեծացնել Ռուսաստանի տարածքին հարվածների շրջանակը մարտական գոտու ընդլայնման դեպքում։ Նման հայտարարություն է արել ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ՚Բրայենը Ներկայացուցիչների պալատի միջազգային հարաբերությունների հանձնաժողովում լսումների ժամանակ։
Այսպես, Օ՚Բրայենը պատասխանել է ԱՄՆ հանրապետական կոնգրեսական Թոմաս Քինի հարցին, որն ասել է, որ Ուկրաինային թույլ են տվել հարվածներ հասցնել Ռուսաստանի տարածքին՝ Խարկովի մարզում ՌԴ ԶՈւ հաջող առաջխաղացման ֆոնին։
Այս պահին ուկրաինական բանակը կարող է հարվածել սահմանից միայն 100 կմ հեռավորության վրա, ինչը շատ ավելի քիչ է, քան ATACMS հրթիռների 300 կմ հեռահարությունը։
03 Հուլիս, 2024 11:44
130