Գերմանիայի կանցլեր Օլաֆ Շոլցն ասել է, որ ամեն օր հաղորդագրություններ է գրում Ֆրանսիայի նախագահ Էմանուել Մակրոնին՝ երկրում խորհրդարանական ընտրությունների առաջին փուլում «Միասին հանուն Հանրապետության» նախագահական կոալիցիայի պարտությունից հետո, հայտնելով նրան իր աջակցությունը։ Այս մասին հայտնում է DPA գործակալությունը:

«Մենք քննարկում ենք մի իրավիճակ, որն իսկապես ճնշող է»,– Շոլցի խոսքերը մեջբերում է գործակալությունը։

Նրա խոսքով՝ նամակագրությունը տեղի է ունենում SMS հաղորդագրությունների ձևաչափով։

DPA-ն նշում է, որ թեև Գերմանիայի ղեկավարությունը չպետք է միջամտի այլ երկրներում ընտրական գործընթացին, կանցլերը հստակ դիրքորոշում է որդեգրել Ֆրանսիայի ընտրությունների վերաբերյալ։