ԱՄՆ նախկին նախագահ Դոնալդ Թրամփն առաջարկել է ներկայիս առաջնորդ Ջո Բայդենին այս շաբաթ ևս մեկ բանավեճ անցկացնել և այդպիսով վերականգնել իրավիճակը ձախողումից հետո։

«Հիշեք, նա (Բայդենը) շատ վատ տղա է: Մի խղճացեք նրան: Այս երեկո ես պաշտոնապես Ջոյին առաջարկում եմ հնարավորություն՝ փրկելու իրեն ողջ աշխարհի առջև: Եկեք ևս մի բանավեճ անցկացնենք այս շաբաթ, որպեսզի քնկոտ Ջո Բայդենը կարողանա ապացուցել բոլորին, որ կարող է նախագահ դառնալ»,- երեքշաբթի օրը Ֆլորիդայում ասել է Թրամփը:

Նախկին նախագահը պարզաբանել է, որ այդ բանավեճերը պետք է տեղի ունենան առանց մոդերատորների։ Ելույթը հեռարձակվել է պահպանողական RSBN մեդիա ընկերության YouTube ալիքով։

182