Հունգարիայի վարչապետ Վիկտոր Օրբանը Եվրոպական խորհրդի ղեկավար Շառլ Միշելին ուղղված նամակում կոչ է անում վերականգնել դիվանագիտական հարաբերությունները Ռուսաստանի հետ և Չինաստանի հետ բանակցություններ վարել Ուկրաինայում հակամարտությունը լուծելու համար խաղաղ կոնֆերանսի շուրջ։ Այս մասին գրում է Bild թերթը՝ հղում անելով Օրբանի՝ Միշելին ուղղված նամակին։
«Ստորև դուք կգտնեք Ուկրաինայի, Ռուսաստանի, Չինաստանի, Թուրքիայի առաջնորդների և [ԱՄՆ] նախկին նախագահ Դոնալդ Թրամփի հետ իմ վերջին քննարկումների հակիրճ գնահատականը, ինչպես նաև որոշ առաջարկներ ձեր քննարկման համար»,- մեջբերում է թերթը նամակից։
Օրբանը թվարկում է տասը կետ՝ A4 ձևաչափով մեկուկես էջանոց նամակում։ «Ընդհանուր առմամբ, կարելի է նկատել, որ ռազմական հակամարտության ինտենսիվությունը մոտ ապագայում արմատապես կաճի»,- նշվում է նամակում։