Պենտագոնի ղեկավար Լլոյդ Օսթինը և Ճապոնիայի և Կորեայի Հանրապետության պաշտպանության նախարարներ Մինորու Կիհարան և Շին Վոն-Սիկը Տոկիոյում հուշագիր են ստորագրել՝ որպես անվտանգության եռակողմ համագործակցության համաձայնագրի մաս և հայտարարել են դրա ուժի մեջ մտնելու մասին։ Այս մասին ասվում է ԱՄՆ ռազմական գերատեսչության տարածած հաղորդագրության մեջ։
Այս փաստաթուղթը, ինչպես պարզաբանվել է Պենտագոնում, «ինստիտուցիոնալացնում է եռակողմ համագործակցությունը պաշտպանական գերատեսչությունների միջև», որը ներառում է քաղաքական խորհրդակցություններ, տեղեկատվության փոխանակում, եռակողմ վարժանքներ և պաշտպանության փոխանակման ոլորտում համագործակցություն՝ նպատակ ունենալով նպաստել խաղաղությանն ու կայունությանը Կորեական թերակղզում, Հնդկաստան-Խաղաղօվկիանոսյան տարածաշրջանում և դրանից դուրս:
Հուշագիրը ստորագրվել է ռազմական գերատեսչությունների ղեկավարների եռակողմ հանդիպման ժամանակ։ Քննարկվել են նաև ընդհանուր անվտանգության հարցեր, հայտնել են Պենտագոնից։ Նախարարները, մասնավորապես, իրենց հանձնառությունն են հայտնել ամրապնդել համագործակցությունը «ԿԺԴՀ-ից բխող միջուկային և հրթիռային սպառնալիքները զսպելու համար»: