Բաժանորդագրվեք araratnews-ի տելեգրամ ալիքին։
Եգիպտոսը, Կատարը և ԱՄՆ-ն Իսրայելին և պաղեստինյան ՀԱՄԱՍ արմատական շարժմանը կոչ են արել օգոստոսի 15-ին վերսկսել Գազայի հատվածում հրադադարի և պատանդների ազատ արձակման շուրջ քննարկումները։ Այս մասին օգոստոսի 8-ին հայտարարվել է Սպիտակ տան կայքում հրապարակված երկրների ղեկավարների համատեղ հայտարարության մեջ։
«Այլևս ժամանակ չկա բանակցությունները հետաձգելու արդարացումների համար: Եկել է հրադադարը կնքելու և պատանդներին ու գերիներին ազատելու ժամանակը։ Մենք կոչ ենք անում երկու կողմերին վերսկսել հրատապ քննարկումները հինգշաբթի օրը՝ օգոստոսի 15-ին, Դոհայում կամ Կահիրեում, որպեսզի լուծվեն մնացած բացերը և սկսեն համաձայնագրի իրականացումը առանց հետագա ձգձգումների»,- ասվում է հայտարարության մեջ:
Նշվում է, որ որպես միջնորդ երկրները պատրաստ են տրամադրել զինված հակամարտության կարգավորման վերջնական նախագիծ, որը կբավարարի բոլոր կողմերի ակնկալիքները: