Բաժանորդագրվեք araratnews-ի տելեգրամ ալիքին։
ТНТ հեռուստաալիքով ցուցադրվող Comedy Club հումորային հեռուստաշոուն փակվում է 19 տարի եթերում լինելուց հետո։ Այս մասին հայտնում են ТНТ-ի մամուլի ծառայությունից։ Comedy Club հեռուստաշոուի վերջին եթերը կթողարկվի սեպտեմբերի 20-ին՝ ժամը 21:00-ին։
«Սիրելի ընկերներ, այսօր մենք ձեզ իսկապես կարևոր նորություն ենք հայտնում։ Մենք հաստատում ենք, որ Comedy Club-ը փակվում է»,- ասվում է Գարիկ Խարլամովի պաշտոնական հայտարարության մեջ, որով սկսվում է եզրափակիչ դրվագը։
Վերջին եթերի հյուրերը կլինեն «Կանանց ստենդափի» աստղերը, հեռուստահաղորդավար Դմիտրի Դիբրովը, դերասանուհի Նատալյա Բոչկարյովան, «Մի անգամ Ռուսաստանում» շոուի դերասաններ Ազամատ Մուսագալիևը, Դենիս Դորոխովը, Յանա Կոշկինան, ակումբի նախկին ռեզիդենտ Գավրիիլ Գորդեևը, ինչպես նաև ակումբի գործադիր պրոդյուսեր Արթուր Ջանիբեկյանը։
Նախագծի մամուլի ծառայությունը նաև նշել է, որ վերջին հաղորդմանը հեռուստահաղորդավար Յուլյա Մենշովան հրաժեշտի հարցազրույց կունենա ակումբի «բնակիչների» հետ հենց բեմում։
Comedy Club-ն ունի 20 հեռուստատեսային եթերաշրջան, ավելի քան 800 օրիգինալ թողարկում, 2 «ТЭ́ФИ» մրցանակ (Հեռուստատեսության ազգային մրցանակ) և շուրջ 10 հազար հյուրախաղ աշխարհի տարբեր քաղաքներում: