Բաժանորդագրվեք araratnews-ի  տելեգրամ ալիքին։

Հոկտեմբերի 3-ին ժամը 20-ին «Արարատի» Բ/Կ-ից ՀՀ ՆԳՆ ոստիկանություն հայտնել են, որ «ձախ սրունքի հրազենային վնասվածք» ախտորոշմամբ իրենց մոտ բուժօգնության է դիմել Սուրենավան գյուղի 43-ամյա բնակիչ։

Ոստիկանության Արարատի բաժնից մեկնած օպերատիվ խմբի ձեռնարկած միջոցառումների արդյունքում պարզվել է, որ նույն օրը ժամը 19.30-ի սահմաններում, Սուրենավան գյուղի Երևանյան խճուղու գազալցակայանի տարածքում, բուժօգնության դիմած տղամարդը և նույն գյուղի բնակիչ 26-ամյա տղամարդ վիճել են իրենց 24-ամյա համագյուղացու հետ, որի ընթացքում վերջինս իր մոտ պահվող ատրճանակով կրակել է 43-ամյա տղամարդու ոտքին, այս մասին հայտնում են ՆԳՆ–ից։

Նախապատրաստված փաստաթղթերն ուղարկվել են Վեդիի քննչական բաժին: