Բաժանորդագրվեք araratnews-ի  տելեգրամ ալիքին։

Քանի որ ընդդիմադիր ավագանու անդամները հայտարարում են, թե  իրենց պայքարի շնորհիվ է մեկ ուղևորության սակագինը դարձել 150 դրամ, Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանը սոցցանցի իր էջում հայտնել է, որ հրապարակում է հունվարի 31-ի ավագանու նիստի քվեարկության արդյունքները։

«Ո՛չ «Ազգային առաջընթաց», ո՛չ էլ «Մայր Հայաստան» խմբակցության անդամները չեն քվեարկել այդ նախագծի օգտին։ Ընդհակառակը, նրանք հրահրել են վեճ, բոյկոտել նիստը և փորձել են տապալել այն։ Ընդդիմադիր ուժերից միայն «Հանրային ձայն» խմբակցության անդամներն են մասնակցել քվեարկությանը։

Որոշումը կայացվել է բացառապես քաղաքացիների առաջարկների և բողոքների հիման վրա»,- գրել է Գալջյանը: