Բաժանորդագրվեք araratnews-ի տելեգրամ ալիքին։
Համընդհանուր հայտարարագրման շրջանակներում սոցիալական կրեդիտների վերադարձի շրջանակն ընդլայնվում է։
«Վերաբերում է 3 ուղղությունների, առաջինը՝ երաժշտական, արվեստի, պարարվեսի, գեղարվեստի դպրոցների, արտադպրոցական կազմակերպությունների, կենտրոնների, մանկապատանեկան մարզադպրոցների և ԿԳՄՍՆ-ի կողմից երաշխավորված այլ արտադպրոցական ծրագրերի և ոչ ֆորմալ ծրագրերի մասով կատարված ուսման վճարները։ Հաջորդը՝ միջնակարգ ընդհանուր մասնագիտացված հատուկ կրթական ծրագրերի շրջանակում դասագրքերի վարձակալության ծախսեր յուրաքանչյուր աշակերտի համար տարեկան 3000 դրամի չափով։ 24-25 թթ. ընթացքում ատամնաբուժական ծառայությունների գծով ծախսեր»,- կառավարության նիստի ժամանակ ներկայացնելով հայտարարագրման շրջանակների ընդլայնումը նշեց ֆինանսների նախարար Վահե Հովհաննիսյանը, հավելելով, որ օրենքն ունի նաև հետադարձ ուժ։
Վարչապետ Նիկոլ Փաշինյանը նույնպես անդրադարձավ թեմային և նշեց․ «Համընդհանուր հայտարարագրման համակարգի բարեփոխման և բարելավման մասին է խոսքը և գիտեք, որ դե յուրե որոշված էր, որ համընդհանուր հայտարարագրման սոցիալական կրեդիտները քաղաքացիները կարող էին հետ ստանալ մանկապարտեզների, դպրոցների և բուհերի ուսման վարձերի դեպքում ու առողջապահության ապահովագրման դեպքում»։
Նիկոլ Փաշինյանը նշեց, որ երբ մարդը աշխատել է, ընթացքում վճարել է հարկերը և զուգահեռ ծախսեր է կատարել առողջապահական, կրթության ոլորտների ուղղություններով և դա երևում է հայտարարագրման մեջ, ապա մինչև 100 հազար դրամ կառավարությունը վերադարձնում է։
«Եկեք հիշենք, որ խոսքը միայն և միայն աշխատած և եկամտային հարկ վճարած քաղաքացու մասին է»,- ասաց վարչապետը։
Մանրամասները՝ տեսանյութում