Բաժանորդագրվեք araratnews-ի  տելեգրամ ալիքին։

Հայաստանի բռնցքամարտի կանանց հավաքականը Վազգեն Բադալյանի գլխավորությամբ Սերբիայում մասնակցում է աշխարհի առաջնությանը:

Հայաստանի ներկայացուցիչներից առաջինը ռինգ է դուրս եկել Եվրոպայի երիտասարդական առաջնության հաղթող, 60 կգ քաշային Էլիդա Քոչարյանը: 1/16 եզրափակչում հայ մարզուհին ուժերն է չափել ռումինացի Կլաուդիա Նեչիտայի հետ և մրցավարների որոշմամբ 5:0 հաշվով հաղթանակ է տարել: 2-րդ ռաունդում Էլիդան նաև նոկդաունի է ենթարկել մրցակցին։

Այսօր ռինգ դուրս կգա Եկատերինա Սիչևան (54 կգ)։ Նրա մրցակիցը Զեյնաբ Ռահիմովան է (Ադրբեջան)։

Հայաստանի հավաքականի կազմում աշխարհի առաջնությանը կմասնակցեն նաև Անուշ Գրիգորյանը և Սոնա Հարությունյանը:

Նախապատրաստվելով ստուգատեսին՝ հայ բռնցքամարտիկները նախ ուսումնամարզական հավաք են անցկացրել Երևանում, ապա՝ Բուլղարիայում: