Բաժանորդագրվեք araratnews-ի տելեգրամ ալիքին։
Միացյալ Նահանգները մտադիր է Գերմանիայում գտնվող իր բազաներից հարյուրավոր միավոր տեխնիկա և տրանսպորտային միջոցներ տեղափոխել Հայաստանի ուսումնավարժարաններ։
Այս մասին, Araratnews.am-ի փոխանցմամբ, գրում է ռուսական Russia Today լրատվականը։
RT-ի կողմից ուսումնասիրված փաստաթղթերի համաձայն՝ փոխադրումը նախատեսվում է իրականացնել Վրաստանի տարածքով։ Ըստ ԱՄՆ պետական գնումների հարթակի՝ ԱՄՆ բանակի նյութական հրամանատարությունը նախատեսում է տեխնիկա տեղափոխել Գերմանիայի Դուլմենի ռազմաբազայից Հայաստանի Զառ բազա։
Տրանսֆերը նախատեսված է հուլիսի 16-ին։ Սպասվում է, որ այն կտևի մինչև օգոստոսի 7-ը։ Վերադարձը Գերմանիա, ինչպես նշված է տրանսպորտային ծառայությունների մատուցման մրցույթում, նախատեսված է 2025 թվականի օգոստոսի 21-ից սեպտեմբերի 20-ն ընկած ժամանակահատվածում։
Պայմանագրով նախատեսվում է նաև տեխնիկայի տեղափոխում Հայաստանի Արմավիրի ուսումնական զորավարժարանից մինչև վրացական Փոթի նավահանգիստ։
Ընդհանուր առմամբ, նախատեսվում է տեղափոխել 151 միավոր տեխնիկա, այդ թվում՝ տրանսպորտային միջոցներ, գեներատորներ և մասնագիտացված կոնտեյներներ։
Դուլմենում, որտեղից նախատեսվում է տեխնիկա տեղափոխել, տեղակայված են ԱՄՆ բանակի 405-րդ դաշտային աջակցության բրիգադի ստորաբաժանումները։ Բրիգադը հիմնական նյութատեխնիկական օպերատորն է ԱՄՆ-ի ուժերի համար եվրոպական և աֆրիկյան թատրոններում, որն աջակցություն է տրամադրում զինանոցների ցանցին և պահեստավորման բազաներին Գերմանիայում, Լեհաստանում, Իտալիայում, Նիդեռլանդներում, Բելգիայում և այլուր: