Բաժանորդագրվեք araratnews-ի տելեգրամ ալիքին։
«Place publique» (Public Place) կուսակցության համագումարում ելույթի ժամանակ Եվրախորհրդարանի պատգամավոր Ռաֆայել Գլյուքսմանը ԱՄՆ-ից պահանջել է Ֆրանսիային վերադարձնել Ազատության արձանը։ Քաղաքական գործչի խոսքերը մեջբերում է AFP գործակալությունը՝ փոխանցում է Ararat.news-ը։
«Մենք դա տվել ենք ձեզ, բայց դուք կարծես արհամարհում եք»,- ասել է Գլյուքսմանը:
Իր ելույթի ժամանակ պատգամավորը մեղադրել է ԱՄՆ-ին Ռուսաստանի հետ մերձենալու մեջ եւ դատապարտել ամերիկացի առաջնորդ Դոնալդ Թրամփի մի շարք որոշումներ։ Գլյուքսմանը նույնպես աջակցել է Ուկրաինային։
AFP-ն նշում է, որ «միլիոնավոր ներգաղթյալների համար, որոնք ժամանակին սպասում էին Միացյալ Նահանգներ մուտք գործելու թույլտվությանը, Ազատության արձանը խորհրդանշում էր ավելի լավ կյանքի հույսը»:
Ազատության արձանը բացվել է Նյու Յորքի նավահանգստում 1886 թվականի հոկտեմբերի 28-ին՝ Ամերիկայի Անկախության հռչակագրի հարյուրամյակի կապակցությամբ՝ որպես ֆրանսիացի ժողովրդի նվեր Ամերիկային: Այն նախագծել է ֆրանսիացի Օգյուստ Բարտոլդին։