Բաժանորդագրվեք araratnews-ի տելեգրամ ալիքին։
Գերմանիայի նախագահ Ֆրանկ-Վալտեր Շտայնմայերը 2025 թվականի մարտի 30-ից ապրիլի 2-ը կայցելի Հայաստան և Ադրբեջան։ Այս մասին գրում է Araratnews.am-ը՝ հղում անելով երկրի նախագահի պաշտոնական կայքի հայտարարությունը։
Հայաստանում Դաշնային նախագահը կհանդիպի նախագահ Վահագն Խաչատուրյանի և վարչապետ Նիկոլ Փաշինյանի հետ և Երեւանում բանակցություններ կվարի։
Ապա նա կայցելի նաև ԹՈՒՄՈ տեխնոլոգիական կրթական կենտրոն և կմասնակցի մշակութային ընդունելությանը։ Հայաստանում գտնվելու երկրորդ օրը Դաշնային նախագահը կմեկնի Դիլիջան։
Նա կխոսի հայ կին ձեռներեցների հետ և կծանոթանա քաղաքաշինական զարգացման ծրագրին։ Սևանում կայցելի հայկական եկեղեցի և հիդրոօդերևութաբանության և մոնիտորինգի կենտրոն, որը գործում է «Հելմհոլց» բնապահպանական հետազոտությունների կենտրոնի հետ համատեղ:
Ադրբեջան կատարած այցի ընթացքում Դաշնային նախագահը կհանդիպի նախագահ Իլհամ Ալիևի հետ։
Նշվում է, որ սա նախագահի առաջին այցն է նշված երկրներ։