Բաժանորդագրվեք araratnews-ի տելեգրամ ալիքին։
Այսօր՝ ապրիլի 2-ին, արտակարգ դեպք է տեղի ունեցել Կոտայքի մարզում։ Ժամը 21։15-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Գառնիի բաժնի պետ Հրաչյա Աթաբեկյանը աշխատանքից տուն գնալիս է եղել, երբ նկատել է, որ Հաճնի կամրջի վտանգավոր եզրագիծը մի քաղաքացի անցել է և սպառնում է իրեն ցած նետել։
Ինչպես հայտնում է Shamshyan.com-ը, այնուհետև ահազանգով դեպքի վայր ժամանած ՀՀ ՆԳՆ ոստիկանության համայնքային ոստիկանության գլխավոր վարչության Նաիրիի բաժնի ծառայողները բանակցությունների մեջ են մտել քաղաքացու հետ՝ համոզում նրան, որպեսզի նա չդիմի այդ ծայրահեղ քայլին։ Մոտ 20 րոպե բանակցությունները արդյունք չեն տվել, բայց ոստիկանության Գառնիի բաժնի պետին ու Նաիրիի համայնքային ոստիկաններին հաջողվում է բռնել նրան ու տեղափոխել անվտանգ վայր։
Նախնական տեղեկություններով, տղամարդը Երևանի բնակիչ 35-ամյա Նարեկ Մ․-ն է։
Դեպքի փաստով ոստիկանության Նաիրիի բաժնում փաստաթղթեր են ձևակերպվում, որոնք հնարավոր է փոխանցվեն ՀՀ Քննչական կոմիտեի Կոտայքի մարզային քննչական վարչության Նաիրիի քննչական բաժին։