Բաժանորդագրվեք araratnews-ի տելեգրամ ալիքին։
Հայաստանը չի կարող միաժամանակ լինել Եվրասիական տնտեսական միության և Եվրամիության անդամ, դա անհնար է։ Այս մասին, Araratnews.am-ի փոխանցմամբ, «РИА Новости»-ին ասել է ՌԴ արտաքին գործերի նախարարության փոխղեկավար Միխայիլ Գալուզինը։
«Պաշտոնական Երևանը պետք է որոշի, թե որտեղ է ավելի լավ լինել: Հուսով ենք, որ ԵԱՏՄ-ին անդամակցության բոլոր օգուտները և ԵԱՏՄ-ի հետ խզման կորուստների մասշտաբները կբացատրվեն հայ հասարակությանը, որպեսզի հայ հասարակությունն ունենա իրականության օբյեկտիվ պատկերացում»,- նշել է փոխնախարարը։
Գալուզինը համոզված է, որ անհնար է լինել միաժամանակ երկու հակադիր ասոցիացիաներում, ինչպիսիք են ԵԱՏՄ-ն և Եվրամիությունը։
Նա մատնանշել է, որ ԵԱՏՄ-ն հավասար պետությունների ասոցիացիա է, մինչդեռ ԵՄ-ն կառույց է, որտեղ «իշխում է ցուցափայտային կարգապահությունը, որը ենթարկվում է բրյուսելյան չինովնիկների կողմից իրականությունից կտրված հակառուսական նարատիվներին»։