Բաժանորդագրվեք araratnews-ի տելեգրամ ալիքին։
Telegram մեսենջերը երբեք չի բացահայտել օգտատերերի անձնական հաղորդագրություններից ստացված «ոչ մի բայթ» տեղեկատվություն։ Այս մասին իր ալիքում գրել է ծառայության ստեղծող Պավել Դուրովը։
Նրա խոսքով՝ հարթակի 12-ամյա պատմության ընթացքում տվյալների բացահայտում երբեք չի եղել։ Դուրովն ընդգծել է, որ մեսենջերը, համաձայն Եվրամիության թվային ծառայությունների մասին օրենքի, կարող է բացահայտել հանցագործությունների մեջ կասկածվող օգտատերերի IP հասցեները և հեռախոսահամարները միայն դատարանի որոշման առկայության դեպքում։
Միլիարդատերը նշել է, որ Ֆրանսիան վերջերս քննարկել է կոդավորման տեխնոլոգիաների արգելման հարցը։ Ենթադրվում էր, որ մեսենջերներից կպահանջվի ներդնել անձնական հաղորդագրություններին մուտք գործելու մեթոդներ, որոնք կօգտագործվեն իրավապահ մարմինների կողմից։