Վատիկանում Թրամփն ու Զելենսկին առանձնազրույց են ունեցել
Բաժանորդագրվեք araratnews-ի տելեգրամ ալիքին։
Վատիկանում Ֆրանցիսկոս պապի հուղարկավորության արարողությունից առաջ հանդիպել են Միացյալ Նահանգների և Ուկրաինայի նախագահները:
Դոնալդ Թրամփը և Վոլոդիմիր Զելենսկին նախ 15 րոպե առանձնազրույց են ունեցել, որից հետո նրանց են միացել Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը:
Հայտնի է, որ Միացյալ Նահանգների և Ուկրաինայի նախագահները պայմանավորվել են շարունակել բանակցությունները: Սպիտակ տունն արդյունավետ է որակել նախագահների հանդիպումը:
Զելենսկին ևս հանդես է եկել մեկնաբանությամբ։ «Քննարկեցինք շատ հարցեր՝ ուկրաինացիների պաշտպանություն, լիակատար և անվերապահ հրադադար, հուսալի և երկարատև խաղաղություն։ Հուսով ենք՝ արդյունքի կհասնենք»,– ասել է նա:
26 Ապրիլ, 2025 18:01
234