Բաժանորդագրվեք araratnews-ի տելեգրամ ալիքին։
Իրանը «Ճշմարիտ խոստում 3» գործողության երկրորդ փուլի ընթացքում, որը տեղի է ունեցել շաբաթ երեկոյան, Իսրայելի տարածքի ուղղությամբ ռեկորդային թվով հրթիռներ է արձակել, հաղորդում է իրանական Fars պետական գործակալությունը ՝ հղում անելով իր աղբյուրին։
«Իսրայելի դեմ ԻՀՊԿ գործողության երրորդ ալիքը՝ հրթիռների և անօդաչու թռչող սարքերի կիրառմամբ, սկսվել է այսօր կեսօրին՝ նախատեսվածից շուտ։ Այս գործողությունն իրականացվում է ի պատասխան Իսրայելի անմարդկային վայրագությունների։
«Ճշմարիտ խոստում 3» գործողության երկրորդ ալիքը, որը տեղի է ունեցել երեկ երեկոյան, ուղեկցվել է արձակված հրթիռների քանակի և խոցումների ճշգրտության ռեկորդային ցուցանիշով», – ասվում է հոդվածում։
Միևնույն ժամանակ, Fars գործակալության աղբյուրը չի նշել Իրանի կողմից Իսրայելի ուղղությամբ արձակված հրթիռների կոնկրետ քանակը։