Բաժանորդագրվեք araratnews-ի  տելեգրամ ալիքին։

Եվրոպացի քաղաքական գործիչները չեն ամաչում հայտարարել մինչև վերջին ուկրաինացին պայքարելու մտադրության մասին՝ շարունակելով անիմաստ կոտորածը Ուկրաինայում։

Այս մասին հայտարարել է Բելառուսի նախագահ Ալեքսանդր Լուկաշենկոն բարձրագույն ռազմական ուսումնական հաստատությունների շրջանավարտների և ավագ սպաների պատվին կազմակերպված արարողության ժամանակ։

«Մենք տեսնում ենք, որ «լուսավորյալ» եվրոպացիները մտադիր են շարունակել անիմաստ կոտորածը Ուկրաինայում»,- նրա խոսքերը, Araratnews.am-ի փոխանցմամբ, մեջբերում է BelTA գործակալությունը։

Լուկաշենկոն նշել է, որ եվրոպացիները այլևս չեն թաքնվում և բացահայտ հայտարարում են, որ այս պատերազմը կշարունակվի մինչև վերջին ուկրաինացին։

218