Բաժանորդագրվեք araratnews-ի տելեգրամ ալիքին։
ՀՀ-ում ԱՄՆ դեսպանատունը հայտարարություն է տարածել, որում ասված է.
«ԱՄՆ բյուջեի չհաստատմամբ պայմանավորված՝ Facebook-ի մեր էջում նոր հրապարակումներ չեն լինի մինչև գործունեության լիարժեք վերսկսումը։ Բացառություն կկազմեն անվտանգության և ապահովության հետ կապված անհետաձգելի հրապարակումները։
Չհաստատված բյուջեի պայմաններում ԱՄՆ-ում և ԱՄՆ դեսպանություններում ու հյուպատոսարաններում կշարունակվեն արդեն նշանակված անձնագրային և վիզաների ծառայությունները, քանի դեռ իրավիճակը թույլ կտա։
Այս էջում թարմացումներ կլինեն մեր գործունեության լիարժեք վերսկսումից հետո, իսկ մինչ այդ կտեղադրվեն բացառապես անվտանգության և ապահովության վերաբերյալ հրապարակումները։ Մեր ծառայությունների և աշխատանքային կարգավիճակի մասին տեղեկություններ կարող եք գտնել travel.state.gov կայքում»։
Նշենք, որ ԱՄՆ մայրաքաղաք Վաշինգտոնում դաշնային կառավարությունը պաշտոնապես դադարեցրել է աշխատանքը տեղական ժամանակով կեսգիշերին։ Կառավարության գործունեությունը պահպանելու համար անհրաժեշտ ժամանակավոր բյուջեի շուրջ բանակցությունների ձախողման հետևանքով ԱՄՆ կառավարությունը ստիպված է եղել կասեցնել իր գործունեության մեծ մասը։