Բաժանորդագրվեք araratnews-ի տելեգրամ ալիքին։
Վրաստանի ներքին գործերի նախարար Գելա Գելաձեն չորեքշաբթի օրը լրագրողներին հայտնել է, որ վրացի փրկարարները հայտնաբերել են թուրքական C-130 ռազմական տրանսպորտային ինքնաթիռի վթարի հետևանքով զոհված 20 հոգուց 18-ի մարմինները։
«Օդանավում եղել է 20 մարդ։ Հայտնաբերվել է 18-ի մարմին։ Երկու մարդու որոնումները շարունակվում են։ Ես մշտական կապի և համակարգման մեջ եմ Թուրքիայի ներքին գործերի նախարարի հետ»,- ասել է նախարարը։
Թուրքիայի պաշտպանության նախարարությունը երեքշաբթի օրը հայտարարել էր, որ Վրաստան-Ադրբեջան սահմանին վթարի է ենթարկվել Lockheed C-130 Hercules ռազմական տրանսպորտային ինքնաթիռը, որի հետևանքով զոհվել է 20 մարդ։
Անկարան համակարգում է որոնողափրկարարական գործողությունները Թբիլիսիի հետ։ Թուրքիայի նախագահ Ռեջեփ Թայիփ Էրդողանի գրասենյակը հայտարարել է, որ վթարի պատճառների հետաքննությունը կանցկացվի առավելագույն մանրակրկտությամբ։