Բաժանորդագրվեք araratnews-ի  տելեգրամ ալիքին։

Ֆոտոլրագրող Քրիս Օ’Մեարան, որը արդեն 39 տարի լուսաբանում է տիեզերական մեկնարկներ Ֆլորիդայի Space Coast-ից, պատմել է «Արտեմիս II» առաքելության մեկնարկի ժամանակ արված եզակի լուսանկարի մասին։

Կադրը արվել է հեռակառավարվող Sony Alpha 9 II տեսախցիկով։ Օ’Մեարան նշել է, որ լուսանկարը առանձնահատուկ է ոչ միայն պատմական նշանակությամբ՝ ԱՄՆ-ն 1972-ից հետո կրկին իրականացնում է դեպի Լուսին անձնակազմով առաքելություն, այլ նաև իր տեսողական ազդեցությամբ։

Կադրի մեջ տեսանելի է նաև բնության արձագանքը․ հրթիռի մեկնարկի պահին ուժգին աղմուկից խուճապահար թռչունները թռիչքի են դուրս եկել։ Մայրամուտի լուսավորությունը հնարավորություն է տվել ստեղծել հրթիռի և ծխի սիլուետի ընդգծված պատկեր՝ դարձնելով լուսանկարը առավել արտահայտիչ։