Բաժանորդագրվեք araratnews-ի տելեգրամ ալիքին։
Հնդկաստանը բողոքել է Իրանի դեմ Հորմուզի նեղուցում երկու առևտրային նավերի վրա հարձակումների կապակցությամբ, որոնց հետևանքով զոհվել է մեկ հնդիկ նավաստի, իսկ 10-ը՝ վիրավորվել։ Այս մասին ասվում է Հնդկաստանի արտաքին գործերի նախարարության հայտարարության մեջ։
Հարավասիական հանրապետության արտաքին գործերի նախարարությունը հաստատել է, որ Հնդկաստանի արտաքին գործերի նախարարությունը երեքշաբթի օրը կանչել է Նյու Դելիում Իրանի դիվանագիտական առաքելության ղեկավարի տեղակալին։
«Մենք խստորեն դատապարտում ենք այս հարձակումները, որոնք խաթարում են միջազգային ջրային ուղիներով, ինչպիսին է Հորմուզի նեղուցը, ազատ և անվտանգ նավարկությունը»,- ընդգծել է Հնդկաստանի արտաքին գործերի նախարարությունը։
Նախարարությունը նաև խոր մտահոգություն է հայտնել Մերձավոր Արևելքում հարձակումների վերսկսման և ռազմական գործողությունների սրման կապակցությամբ և կոչ է արել վերադառնալ երկխոսությանն ու դիվանագիտությանը՝ տարածաշրջանում խաղաղության, անվտանգության և կայունության շահերից ելնելով։