Բաժանորդագրվեք araratnews-ի տելեգրամ ալիքին։
CNN-ն հաղորդում է, որ Միացյալ Նահանգները նպատակ ունի Իրանի հետ բանակցություններում ուշադրության կենտրոն կրկին բերել Իսլամական Հանրապետության միջուկային ծրագիրը։
Ըստ հաղորդման՝ ԱՄՆ նախագահ Դոնալդ Թրամփի վարչակազմի պաշտոնյաները Պարսից ծոցի երկրների ներկայացուցիչների հետ մասնավոր զրույցներում ակնարկել են, որ Վաշինգտոնը ցանկանում է «ապագա բանակցությունների առանցքը տեղափոխել Թեհրանի միջուկային ծրագրի վրա՝ Հորմուզի նեղուցով նավագնացության վերականգնման խնդրի կենտրոնանալու փոխարեն»։
Իր հերթին՝ իրանցի ներկայացուցիչները տարածաշրջանային դերակատարներին հասկացրել են, որ Թեհրանը պատրաստ կլինի քննարկել միջուկային ծրագիրը միայն Հորմուզի նեղուցի հետ կապված խնդրի լուծումից հետո, այդ թվում՝ Իսլամական Հանրապետության ծովային նավահանգիստների նկատմամբ ԱՄՆ-ի սահմանած շրջափակման վերացումից հետո։