Ադրբեջանում գրանցված երկրաշարժը զգացվել է նաև Հայաստանում

Հայաստանում զգացվել է Ադրբեջանում գրանցված երկրաշարժը: «Արմենպրես»-ի փոխանցմամբ՝ Միջերկրածովյան սեյսմոլոգիական կենտրոնի կայքը հաղորդում է, որ Երևանի ժամանակով 19:36-ին Ադրբեջանի Գյանջա քաղաքից 75 կմ դեպի արևմուտք, հիպոկենտրոնի 10 կմ խորության վրա տեղի է ունեցել 4,6 մագնիտուտ հզորությամբ երկրաշարժ:

Երկրաշարժի էպիկենտրոնը գտնվել է Հայաստանի Ճամբարակ համայնքից 14 կմ դեպի արևելք:

Երկրաշարժը զգացվել է մայրաքաղաք Երևանում և մարզերում: