Ռուսաստանի արտաքին գործերի նախարար Սերգեյ Լավրովը հարցազրույցե տվել «Ռուսական միտք» ամսագրին, որի շրջանակներում խոսել է Թուրքիայի նկատմամբ ՆԱՏՕ-ի դիրքորոշման վերաբերյալ:

«Ոչ մեկի համար գաղտնիք չէ, որ Անկարան մեծ նշանակություն է տալիս իր անդամակցությանը Հյուսիսատլանտյան դաշինքին(ՆԱՏՕ)  եւ այս կապակցությամբ կրում է մի շարք դաշինքային պարտավորություններ:

Դրա հետ միասին, Թուրքիայի ղեկավարությունը ձգտում է վարել անկախ, ազգային ուղղվածություն ունեցող արտաքին քաղաքականություն: ՆԱՏՕ-ի իր դաշնակիցների կողմից Անկարան քննադատվում է հենց այն պատճառով, որ կուրորեն չի հետեւում Վաշինգտոնի գծին եւ անկախությանը` պաշտպանական սեփական կարողությունն ապահովելու միջոցների ընտրության հարցում: Գործը հասնում է որոշակի ոլորտներում Թուրքիայի դեմ պատժամիջոցների կիրառմանը:

Թուրքական օրինակով կարելի է պարզ տեսնել, թե ՆԱՏՕ-ի ներսում իրականում ինչպիսի իրավիճակ է ժողովրդավարության հետ», - ասել է  Ռուսաստանի ԱԳՆ ղեկավարը:

 

 

05 Մարտ, 2021 12:16
239
; ;