Այսօր Աբովյանի մարզաբազայում Հայաստանի ծանրամարտի հավաքականը մարզվեց Ծանրամարտի միջազգային ֆեդերացիայի չափանիշներին համապատասխանող նոր՝ «Eleiko» ապրանքանիշի մարզագույքով։ Մարզմանը ներկա էին ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը և նախարարի տեղակալ Կարեն Գիլոյանը:
Հավաքականի գլխավոր մարզիչ Փաշիկ Ալավերդյանը շնորհակալություն հայտնեց վարչապետ Նիկոլ Փաշինյանին` գույքի ձեռքբերման համար։
Մարզագույքը կօգտագործվի 30 տարուց ավելի։
Ըստ Սիմոն Մարտիրոսյանի` վերջինիս առավելությունն այն է, որ ծանրաձողերի տարբերություն չի լինելու Օլիմպիական խաղերին։
Նշենք, որ մարզագույք կստանան նաև մի շարք մարզադպրոցներ։ Ապագայում նույնպես նախատեսվում են նոր հավաքածուների ձեռքբերումներ։
Վահրամ Դումանյանը հաջողություն և հաղթանակ մաղթեց մեր մարզիկներին։
Հուլիսի 23-ից օգոստոսի 8-ը Սիմոն Մարտիրոսյանը 109 կգ քաշային կարգում և Իզաբելա Յայլյանը 59 կգ քաշային կարգում կմասնակցեն Օլիմպիական խաղերին։
