ՀՀ ԱԺ ութերորդ գումարման առաջին նստաշրջանի ընթացքում խորհրդարանը քննարկեց ՀՀ ԱԺ նախագահի ընտրության հարցին:

ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը նշեց, որ առաջնորդվելով «ԱԺ կանոնակարգ» սահմանադրական օրենքի 136-րդ հոդվածով՝ խմբակցությունն ԱԺ նախագահի թեկնածու է առաջադրում Ալեն Սիմոնյանին:

ԱԺ «Հայաստան» խմբակցության ղեկավար Սեյրան Օհանյանն իրենց խմբակցության կողմից առաջադրեց Մխիթար Զաքարյանի թեկնածությունը, իսկ «Պատիվ ունեմ» խմբակցության ղեկավար Արթուր Վանեցյանն իրենց խմբակցության կողմից առաջադրեց «Հայաստան» խմբակցության պատգամավոր Արթուր Սարգսյանի թեկնածությունը:

ԱԺ «Հայաստան» խմբակցության քարտուղար Արծվիկ Մինասյանը ներկայացրեց Մխիթար Զաքարյանի կենսագրությունը եւ գործունեությունը՝ հիմնավորելով նաեւ առաջադրման կարեւորությունը: Նրա գնահատմամբ՝ թեկնածուն իր անցած ճանապարհով եւ կենսափորձով ոչ միայն ունակ է իրականացնելու ԱԺ ղեկավարումը, այլեւ հնարավորություն ունի կազմակերպելու խորհրդարանի աշխատանքն այնպես, որ յուրաքանչյուր պատգամավոր ու խմբակցություն ունենա իր իրավունքների իրացման հնարավորությունը:

ԱԺ «Պատիվ ունեմ» խմբակցությունից պատգամավոր Հայկ Մամիջանյանը ներկայացրեց ԱԺ նախագահի թեկնածու Արթուր Սարգսյանին՝ անդրադառնալով նրա կենսագրական տվյալներին, մասնագիտական հատկանիշներին եւ անցած ուղուն:

95