ՀայՓոստը գործարկում է դրամական փոխանցումների նոր համակարգ

Այսուհետ հնարավոր է դրամական փոխանցումներ իրականացնել բոլոր փոստային բաժանմունքների միջև:

Դրա համար ՀայՓոստը գործարկել է ներհանրապետական դրամական փոխանցումների նոր համակարգ, որը հնարավորություն է տալիս ընդունումը և վճարումը կատարել չորս փոխարժեքով՝ ՀՀ դրամով, ՌԴ ռուբլիով, ԱՄՆ դոլարով և Եվրոյով: Այս համակարգով ՀայՓոստի հաճախորդները կարող են փոխանցումը անմիջապես ստանալ փոստային ցանկացած բաժանմունքից:

«ՀայՓոստը մշտապես զարգացնում է իր բիզնես ուղղությունները՝ առաջարկելով նորարար ու առաջադեմ լուծումներ հատկապես մարզերի բնակիչների համար: Ներհանրապետական փոստային դրամական փոխանցումների այս նոր համակարգով մեր հաճախորդին առաջարկում ենք լավագույն ծառայություն, ապահովում ենք արագություն և հասանելիություն՝ հնարավորություն տալով միաժամանակ չորս փոխարժեքով կատարել փոխանցում և անմիջապես ստանալ գրեթե 850 բաժանմունքում»,- ինչպես «Արմենպրես»-ին հայտնել են ՀայՓոստ ՓԲԸ-ից, նշել է ընկերության գլխավոր տնօրեն Հայկ Կարապետյանը:

Փոխանցումը համակարգում պահպանվում է 30 օր: Ժամկետը լրանալու, ստացողի չներկայանալու կամ փոխանցումից հրաժարվելու դեպքում դրամական փոխանցումը հետ է վերադարձվում՝ բացառությամբ միջնորդավճարի:

08 Սեպտեմբեր, 2021 20:15

1401

Ջարդել են «Հայփոստ»-ի դռան ապակին, կոտրել զինվորի համար հանգանակությունների արկղն ու այնտեղից հափշտակել գումար

23 Մայիս, 2024 14:47

Աշխատանքի թույն առաջարկ. Սամվել Մարտիրոսյանը զգուշացնում է

23 Ապրիլ, 2024 17:03

Մնացածը Հայփոստ չի. Սամվել Մարտիրոսյանը հիշեցնում է

15 Մարտ, 2024 20:11

Մեկնարկել է երրորդ և հաջորդ երեխայի դրամական աջակցության փետրվարի վճարման գործընթացը

07 Փետրվար, 2025 18:13

Կփոփոխվի ԱԱԾ տնօրենի և տեղակալների դրամական օգնությունների չափը

30 Մայիս, 2024 16:42