«Ձեր միջոցով պետք է գրանցենք մեր լավագույն հաղթանակները». Վահրամ Դումանյանը Կազանում հանդիպել է հայ մարզիկների հետ
ՀՀ կրթության, գիտության, մշակույթի և սպորտի նախարար Վահրամ Դումանյանը Ռուսաստանի Դաշնության Կազան քաղաք կատարած աշխատանքային այցի շրջանակում հանդիպել է ԱՊՀ երկրների առաջին խաղերին մասնակցող հայ մարզիկների հետ:
ԿԳՄՍ նախարարը, ողջունելով մարզաշխարհի ներկայացուցիչներին, նրանցից հետաքրքրվել է, թե ինչպես են ընթանում խաղերը կազմակերպչական տեսանկյունից, և ինչպիսի տրամադրվածություն ունի Հայաստանի մարզական պատվիրակությունը: Ներկաները փաստել են, որ ամեն ինչ կազմակերպված է բարձր մակարդակով, իսկ իրենք տրամադրված են հաղթանակների:
«Դուք մեր ուժն եք: Ձեր միջոցով մենք պետք է գրանցենք մեր լավագույն հաղթանակները: Այս խաղերը ևս մեկ հնարավորություն են՝ ցույց տալու, որ մենք եղել ենք, կանք և կլինենք: Լավ մասնակցության շնորհիվ դուք բացում եք ավելի մեծ հաղթանակների ճանապարհը»,- ասել է Վահրամ Դումանյանը՝ դիմելով հայ մարզիկներին:
ԱՊՀ առաջին խաղերում Հայաստանն արդեն 5 արծաթե և 4 բրոնզե մեդալ է նվաճել, ևս 2 բրոնզե մեդալ երաշխավորված է մուայթայ մարզաձևում: Վահրամ Դումանյանն իր գոհունակությունն է հայտնել հայ մարզիկների ելույթներից և նշել, որ նրանք պետք է մրցահարթակ դուրս գան հնարավորինս անկաշկանդ. «Իհարկե, հաղթանակները կարևոր են, բայց ինքներդ ձեզ չկաշկանդեք անպայման հաղթելու մտքով. հաղթելու ցանկությունը պետք չէ դարձնել մոլուցք: Եթե այս անգամ չստացվի, կստացվի հաջորդ անգամ. կարևորը չընկճվելն է»:
Մարզիկները, խոսելով առաջին անգամ անցկացվող ԱՊՀ երկրների խաղերին իրենց մասնակցությունից, ընդգծել են, որ այս մարզական ստուգատեսը կարևոր է հատկապես փորձառություն ձեռք բերելու տեսանկյունից: ԿԳՄՍ նախարարը ևս փաստել է փորձի կարևորությունը. «Փորձառության շնորհիվ ձեռք եք բերում կամային հատկանիշներ, սառնասրտություն, էմոցիաները վերահսկելու կարողություն: Դուք դա ինձնից լավ գիտեք: Հնարավոր է՝ մարզումների ժամանակ ռեկորդներ գրանցել, իսկ բուն մրցումների ժամանակ՝ լարվել: Այնպես որ՝ համակարծիք եմ, որ ԱՊՀ երկրների առաջին խաղերին մասնակցության կարևոր նպատակներից է փորձ ձեռք բերելը. փորձն է հանգեցնում հաղթանակների»:
Հանդիպման ընթացքում խոսվել է նաև ԿԳՄՍ նախարարության՝ սպորտի ոլորտի զարգացման ուղղությամբ տարվող աշխատանքներից և առկա խնդիրներից: ԿԳՄՍ նախարար Վահրամ Դումանյանը վստահեցրել է, որ առկա հնարավորությունների սահմաններում արվում է առավելագույնը. «Գուցե այս պահին կտրուկ թռիչքաձև վերելքներ չկան, բայց կան հաստատուն քայլեր, որոնք ապահովելու են զարգացում: Վստա՛հ եղեք: Կատարվում են մարզադպրոցների, մարզադահլիճների շինարարություններ, մշակվում են մարզիկներին աջակցության ծրագրեր: Դուք պարզապես շարունակե՛ք նույն սպորտային ոգևորությամբ շարժվել դեպի նոր հաղթանակներ»:
Հավելենք, որ Ռուսաստանի Դաշնություն կատարած այցի շրջանակում ԿԳՄՍ նախարարը Կազանում կմասնակցի «Ռուսաստան-սպորտային պետություն» («Россия-спортивная держава») ֆորումին, ԱՊՀ ֆիզիկական կուլտուրայի և սպորտի հարցերով խորհրդի նիստին:
09 Սեպտեմբեր, 2021 11:03
1473
ԱՊՀ երկրների կառավարությունների ղեկավարների խորհրդի նիստը տեղի կունենա մայիսի 24-ին Աշխաբադում
26 Փետրվար, 2024 16:59
Բանկից գումարներ կորզելու նոր եղանակ է տարածվել
21 Փետրվար, 2024 13:44
ԱՊՀ-ում պառակտում չկա. Երևանի ակտիվության որոշակի նվազում եղել է. ՌԴ ԱԳ փոխնախարար
08 Փետրվար, 2024 10:32
Հայաստանը Բաքվում մասնակցում է ԱՊՀ երկրների սահմանապահ զորքերի հրամանատարների խորհրդի նիստին
08 Հունիս, 2023 15:31
ԵԱՏՄ երկրների վարչապետները կհանդիպեն հունիսի 7-9-ը Սոչիում
22 Մայիս, 2023 20:43
Երկրների դիրքորոշումները` Ադրբեջանի հարձակման վերաբերյալ
14 Սեպտեմբեր, 2022 13:15
Հայկական առաջին աստղադիտարանը (տեսանյութ)
08 Փետրվար, 2024 22:11
Առաջին ալիքի հեռուստարտադրանքը՝ Mezzo TV-ի եթերում
30 Դեկտեմբեր, 2023 09:31
Ժամանակավորապես կդադարեցվի Բաղրամյան պողոտան Վազգեն Առաջին Վեհափառի փողոցին կապող ուղեանցի երթևեկությունը
10 Դեկտեմբեր, 2023 15:59
Փարիզի Օլիմպիական խաղերի մեկնարկին մնաց 200 օր
08 Հունվար, 2024 10:51
Մեկնարկել են ՀՀ վարչապետի հովանու ներքո անցկացվող բանակային խաղերը
21 Օգոստոս, 2023 13:50
Ադրբեջանի ՊՆ-ն օրվա ընթացքում երրորդ ապատեղեկատվությունն է տարածել. ՀՀ ՊՆ
21 Օգոստոս, 2023 13:49