Վերջերս սոցցանցերում հաճախ են քննարկվում հայ-ռուսական բարեկամության թեմայով փողոցներում հայտնված գովազդային վահանակները` «Հավերժ Ռուսաստանի հետ» կարգախոսով:

Աղմուկ հանած թեմայի շուրջ Araratnews.am-ը զրուցեց ՀԿԿ Կենտկոմի առաջին քարտուղարի պաշտոնակատար Երջանիկ Ղազարյանի հետ: «Այն գովազդային պաստառները, որոնք կուսակցության անունով են, դրանք կուսակցության որոշմամբ է, և դա ոչ մի բանի հետ կապ չունի: «Հավերժ Ռուսաստանի հետ»-ը եղել է ՀԿԿ-ի կարգախոսը: Վահանակները տեղադրվել են Հայաստանի տարբեր մարզերում»,- ասաց Ղազարյանը, նշելով, որ գովազդը կոչ է անում, որպեսզի համալրեն կուսակցության շարքերը, քանի որ գովազդային պաստառի վրա պատկերված անձինք նույնպես կոմունիստներ են եղել: