Չինաստանը Աֆղանստանում կառավարության տապալումից հետո մարդասիրական օգնության առաջին խմբաքանակն է ուղարկել: Այս մասին սեպտեմբերի 30-ին հայտնել են աֆղանական լրատվամիջոցները:

Հումանիտար բեռը պարունակում է ծածկոցներ և տաք հագուստ:

«Այս օգնությունը վկայում է Աֆղանստանի ժողովրդի նկատմամբ չին ժողովրդի խոր սիրո և բարեկամության մասին և արտացոլում է Չինաստանի դերը որպես խոշոր երկիր, որը կատարում է իր խոստումները և բարություն է ցուցաբերում հարևանների նկատմամբ, ինչը հիանալի քայլ է մարդկային համայնք կառուցելու ուղղությամբ»,- ասել է Քաբուլում Չինաստանի դեսպան Վան Յուն։
Աֆղանստանի փախստականների նախարարությունն էլ իր հերթին հայտարարել է, որ Չինաստանից ստացված օգնությունը ներառում է 4000 ծածկոց և 3.780 բաճկոն, որոնք կբաժանվեն ներքին տեղահանվածներին:

146