«Ռեալը» պրագմատիկ և խելացի խաղ ցուցադրեց Իսպանիայի առաջնության «Բարսելոնայի» հետ խաղում, ասել է մադրիդյան ակումբի գլխավոր մարզիչ Կառլո Անչելոտին։

Կիրակի օրը 10-րդ տուրում «Ռեալը» հյուրընկալվելիս 2:1 հաշվով հաղթեց «Բարսելոնային»։

«Ուրախ եմ հաղթանակի համար, բայց դա ընդամենը երեք միավոր է: Մենք ցույց տվեցինք պրագմատիկ, շատ խելացի խաղ: Մենք շատ լավ էինք գործում պաշտպանությունում: Կարծում եմ, որ մենք կարող ենք մրցել ցանկացածի հետ, այո, թիմը շատ սերտաճած է: Նույնիսկ առանց գնդակի մենք չէինք կորցնում խաղի վերահսկողությունը, սա նույնպես լավ է»,- Անչելոտիի խոսքերն է մեջբերում AFP-ն։
 
Մրցաշարային աղյուսակում «Ռեալը» (20 միավոր) զբաղեցնում է երկրորդ տեղը, իսկ «Բարսելոնան» (15)` իններորդ տեղը:
214