Այս ամսվա վերջին Ռիգայում «30 + 2» ձևաչափով ՆԱՏՕ-ի անդամ երկրների արտգործնախարարների հանդիպմանը կմասնակցեն  Ուկրաինան և Վրաստանը։ Այս մասին ճեպազրույցում հայտարարել է Ուկրաինայի ԱԳՆ ղեկավար Դմիտրի Կուլեբան։

«Նոյեմբերի 30-ին և դեկտեմբերի 1-ին Ռիգայում կմասնակցեմ ՆԱՏՕ-ի անդամ օտարերկրյա պետությունների նախարարների հանդիպմանը, սա «30 + 2» ձևաչափ է՝ ՆԱՏՕ գումարած Ուկրաինա և Վրաստան»,- նշել է արտգործնախարարը՝ հավելելով, որ քննարկվելու է Սևծովյան տարածաշրջանում անվտանգության թեման։

Կուլեբան հավելել է, որ բանակցությունների ընթացքում կբարձրացնի Ռուսաստանի հետ սահմանին տիրող իրավիճակի հարցը։ Նախարարը հանդիպման ուկրաինական կողմի հրավերը «շատ լավ նշան» է անվանել։

106