ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է հայ-ադրբեջանական սահմանին տիրող իրավիճակին՝ նշելով, որ շարունակում են ուշադիր հետեւել դրան։

Նա չի պատասխանել հարցին, թե արդյոք Հայաստանը դիմել է ՀԱՊԿ-ին կամ երկկողմ խողովակներին՝ Հայաստանի տարածքային ամբողջականության դեմ Ադրբեջանի ագրեսիայի հետ կապված։ Զախարովան շեշտել է, որ իրավիճակը նախորդ ճեպազրույցի ժամանակ մեկնաբանել է ՀԱՊԿ քարտուղարությունը։

«Կարող եմ ասել, որ ռուսական կողմի միջնորդական ջանքերի շնորհիվ սահմանային լարվածությունն օպերատիվ կերպով հանվել է։ Մենք շարունակում ենք ուշադիր հետեւել հայ-ադրբեջանական սահմանին տիրող իրավիճակին, զինվորականների եւ սահմանապահների գծով շփումներ են իրականացվում»,- նշել է ԱԳՆ ներկայացուցիչը։   

132