Սերբիայի մայրաքաղաք Բելգրադում մարտի 18-20-ը  տեղի կունենա մարզասրահներում անցկացվող աթլետիկայի աշխարհի առաջնությունը:

Այս մասին հայտնում է ՀԱՕԿ-ը: Հայաստանի առաջատար եռացատկորդ, կապանցի Լևոն Աղասյանը արդեն մեկնել է մրցավայր: Այնտեղ նրան դիմավորել է հեռացատկում Եվրոպայի անգերազանցելի ռեկորդակիր, մարզաձևի հայկական ֆեդերացիայի նախագահ Ռոբերտ Էմմիյանը:

Աղասյանը մեկնարկի կելնի հենց մարտի 18-ին: Հայտավորված են աշխարհի 16 ուժեղագույն եռացատկորդները: Նրանցից  յուրաքանչյուրը որակավորման փուլում  երեք ցատկ  կկատարի:  Հաջողակ ութնյակը կմտնի գլխավոր եզրափակիչ, որտեղ դարձյալ երեքական փորձով  մրցողները կպայքարեն խաղարկվող մեդալների համար:

384