Հատուկ գործողության երկրորդ փուլում ռուսական բանակի խնդիրն է լիակատար վերահսկողություն հաստատել Դոնբասում և Ուկրաինայի հարավում, ինչպես նաև միջանցք ապահովել դեպի Ղրիմ։ Այս մասին հայտարարել է Կենտրոնական ռազմական օկրուգի (CVO) հրամանատարի տեղակալ, գեներալ-մայոր Ռուստամ Միննեկաևը։
Նրա խոսքով՝ հատուկ գործողության երկրորդ փուլը սկսվել է երկու օր առաջ։ Մինեկաևն ընդգծել է, որ Ուկրաինայի հարավի նկատմամբ վերահսկողությունը Ռուսաստանի զինված ուժերին ևս մեկ ելք կտա դեպի Մերձդնեստր, որտեղ առկա են ռուսալեզու բնակչության նկատմամբ ճնշումների փաստեր։ ՌԴ ԱԳՆ ԱՊՀ երկրների երկրորդ վարչության տնօրեն Ալեքսեյ Պոլիշչուկը նշել է, որ Ուկրաինայում ռուսական հատուկ ռազմական գործողությունն ընթանում է ըստ պլանի։ Նրա խոսքով, հատուկ ռազմական գործողությունը կավարտվի, երբ ավարտին հասցվեն առաջադրված խնդիրները։
Դիվանագետը նշել է, որ խոսքը, մասնավորապես, Դոնբասի խաղաղ բնակչության պաշտպանության, Ուկրաինայի ապառազմականացման և ապաազգայնացման, ինչպես նաև Ուկրաինայի տարածքից ՆԱՏՕ-ի երկրների կողմից դրա զարգացման պատճառով բխող ռուսական սպառնալիքների վերացման մասին է։