Արգենտինայի հավաքականի հարձակվող Լիոնել Մեսսին մտադիր է ևս մեկ մրցաշրջան մնալ ֆրանսիական «Պարի Սեն Ժերմենում», այս մասին հայտնում է Sky Sports News-ը:

Աղբյուրի համաձայն՝ փարիզցիները մտադիր են թիմը կառուցել 34-ամյա Մեսսիի շուրջ։ 

Անցած շաբաթվա վերջին փարիզյան ակումբը ժամանակից շուտ նվաճեց Ֆրանսիայի չեմպիոնի տասներորդ տիտղոսը՝ մրցաշարի ավարտից չորս տուր առաջ անհասանելի դառնալով մրցակիցների համար։

Հիշեցնենք, որ Մեսսին «ՊՍԺ» է տեղափոխվել 2021 թվականի ամռանը։ Այս մրցաշրջանում նա ակումբի կազմում անցկացրել է 29 հանդիպում բոլոր մրցաշարերում՝ դառնալով 8 գոլի և 13 գոլային փոխանցման հեղինակ։

491