Թուրքիայի ազգային պաշտպանության նախարար Հուլուսի Աքարը երկրի անունից հույս է հայտնել, որ առաջիկա օրերին Ռուսաստանի նախագահ Վլադիմիր Պուտինը և Ուկրաինայի իր գործընկեր Վլադիմիր Զելենսկին կկարողանան հանդիպել Թուրքիայի նախագահ Թայիփ Էրդողանի միջնորդությամբ։
Աքարի խոսքով՝ Թուրքիան ի սկզբանե առաջ է քաշել իր դիրքորոշումը՝ փորձելով կանխել զինված բախումները, իսկ հատուկ գործողության մեկնարկից հետո փորձել է վաղաժամ զինադադար ապահովել։ Նա հիշեցրել է, որ Ռուսաստանի և Ուկրաինայի արտգործնախարարները հանդիպել են Անթալիայում դիվանագիտական ֆորումի ժամանակ, որից հետո Ստամբուլում տեղի է ունեցել պատվիրակությունների հանդիպում։ Բացի այդ, նախագահ Էրդողանը բազմիցս հեռախոսազրույցներ է ունեցել Պուտինի և Զելենսկու հետ, որոնցում նա փորձել է հնարավորինս շուտ հանդիպում կազմակերպել բանակցությունների սեղանի շուրջ։
«Մենք հուսով ենք, որ չնայած որոշ դժվարություններին, առաջիկա օրերին, հնարավոր է, մեր նախագահի առաջարկներով երկու ղեկավարները կկարողանան մերձենալ»,- հայտարարեց նախարարը։
Նա հավելել է, որ Թուրքիան շարունակում է իր ներդրումն ունենալ հումանիտար իրավիճակի վատթարացումը կանխելու և հրադադարի շուտափույթ դադարեցման համար։