Մայիսի 18-ին ավտովթարի հետևանքով «Նաիրի» բժշկական կենտրոն է տեղափոխվել Հայաստանում Իտալիայի դեսպան Ալֆոնս Ռիսոնը։ 

Shamshyan.com-ի փոխանցմամբ, այդ օրը, ժամը 16։00-ի սահմաններում, Բեյրութ և Գրիգոր Լուսավորչ փողոցների խաչմերուկում բախվել են Երևանի բնակիչներ Արման Ս-ի վարած Mercedes մակնիշի և Արմեն Գ-ի վարած Audi մակնիշի ավտոմեքենաները, ինչի հետևանքով Audi-ի ուղևոր Ա. Ռիսոնը տեղափոխվել է «Նաիրի» բժշկական կենտրոն։ 

Դեպքի վայր են ժամանել ՀՀ ոստիկանության աշխատակիցները:

Փաստով ՀՀ ոստիկանության պարեկային ծառայության Երևանի գնդի՝ վարույթի իրականացման բաժանմունքում նյութեր են նախապատրաստվում։ 

Կայքի տեղեկություններով՝ Audi-ի վրա եղել են դիվանագիտական  համարանիշներ։ 

923