Չինաստանի պաշտպանության նախարար Վեյ Ֆենհեն ու Պենտագոնի քարտուղար Լլոյդ Օսթինը ուրբաթ օրը Սինգապուրում երկկողմ հանդիպում կանցկացնեն։ Այս մասին հայտնում է Չինաստանի կենտրոնական հեռուստատեսությունը։

Ըստ տեղեկությունների՝ երկու երկրների պաշտպանական գերատեսչությունների ղեկավարները ծրագրում են շփվել  Ասիա-խաղաղօվկիանոսյան անվտանգության 19-րդ համաժողովի ժամանակ, որը հայտնի է որպես Շանգրի-Լա երկխոսություն անվամբ։ Սա կլինի Օսթինի առաջին հանդիպումը Վեյ Ֆենհեի հետ՝ որպես պաշտպանության նախարար:

Շանգրի-Լա երկխոսությանը այս անգամ կմասնակցեն 42 երկրների ներկայացուցիչներ։ Սպասվում է, որ համաժողովում ելույթ կունենան Չինաստանի և ԱՄՆ-ի պաշտպանության նախարարները։

187