Ուկրաինայի շուրջ իրավիճակի խաղաղ կարգավորման ծրագիր հնարավոր կլինի մշակել այն բանից հետո, երբ Կիևը կկատարի ռուսական կողմի բոլոր պահանջները։ Այս մասին հինգշաբթի լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով կարգավորման նման պոտենցիալ պլանը, որը հրապարակվել է ամերիկյան The American Interest ամսագրում։

«Ինչ վերաբերում է խաղաղության ծրագրին, այո, դա հնարավոր է, այն բանից հետո, երբ Ուկրաինան կկատարի ռուսական կողմի բոլոր պահանջները»,- ասել է Կրեմլի խոսնակը։ Ճշտող հարցին, թե կոնկրետ ինչ պահանջներ կան, նա ասել է, որ «Ուկրաինան ամեն ինչ շատ լավ գիտի»։

Միևնույն ժամանակ Պեսկովը հավելել է, որ ինքը դեռ հնարավորություն չի ունեցել ծանոթանալու այս հրապարակմանը։

554