Ռուսաստանում գիտնականները հայտնաբերել են կորոնավիրուսի նոր տեսակ, որը միավորում է «օմիկրոն» և «դելտա» շտամները։ Ինչպես գրում է РБК-ն, ամերիկացի գենետիկ Դմիտրի Պրուսը հայտարարել է, որ նոր շտամի՝ այսպես կոչված «ռուսական դելտակրոնի» վտանգը դեռ պետք է ուսումնասիրվի։ Գենետիկն ընդգծել է, որ վիրուսը, ամենայն հավանականությամբ, ծագել է Ռուսաստանում, քանի որ կորոնավիրուսի այս տարբերակը դեռևս չի հայտնաբերվել աշխարհի որևէ այլ երկրում։ Հենց այսպիսի անսովոր վիրուսներն են հայտնաբերվել  Սանկտ Պետերբուրգից գենոմային տվյալների վերջին ներբեռնումներում։ Գիտնականը նշել  է, որ «ռուսական դելտակրոնը» դեռ ամբողջությամբ ուսումնասիրված չէ, և հայտնի չէ՝ արդյոք այն կարող է առաջացնել ծանր քովիդային հետևանքներ։