Ամերիկացի սենատորը կոչ է արել դադարեցնել ռազմական օգնությունն Ադրբեջանին
ԱՄՆ սենատոր Էդ Մարքին նամակ է ուղարկել պետքարտուղար Էնթոնի Բլինքենին և պաշտպանության նախարար Լլոյդ Օսթինին՝ կոչ անելով Բաքվին ռազմական օգնություն չտրամադրել Հայաստանի դեմ վերջին ագրեսիայի լույսի ներքո:
«Միացյալ Նահանգները պետք է դադարեցնի Ադրբեջանին անվտանգության աջակցությունը, քանի դեռ Հայաստանն ու Ադրբեջանը չեն հասել մշտական և կայուն կարգավորման՝ հարգելով Լեռնային Ղարաբաղի ժողովրդի կամքը: Ես կոչ եմ անում պետքարտուղարին և պաշտպանության նախարարին՝ գործեք հիմա»,- այս մասին իր թվիթերյան էջում գրել է Մարքին։
Իր նամակում սենատորը նշում է, որ Ադրբեջանը պետք է առերեսվի իրականությանը. ռազմական լուծումը երբեք չի հանգեցնի խաղաղության և կայունության Լեռնային Ղարաբաղում։
22 Սեպտեմբեր, 2022 15:40
680