Գերմանիայի հանդեպ՝ որպես ՆԱՏՕ-ի գործընկերոջ, վստահության մակարդակն իջել է։ Երկրի հեղինակությունը ամենից շատ նվազել է Լեհաստանի, Թուրքիայի և ԱՄՆ-ի աչքում։ Այս մասին հինգշաբթի օրը հայտնել է Die Welt ամսագիրը։
Հրատարակությունը, վկայակոչելով Kantar Public սոցիոլոգիական ընկերության տվյալները, 2022 թվականին ՆԱՏՕ-ի գործընկերների կողմից Գերմանիայի վստահության վարկանիշը «ընդհանուր առմամբ վատթարացել է» 3 տոկոսով՝ նախորդ տարվա համեմատ։ Գերմանիայի նկատմամբ վստահության ամենացածր վարկանիշ ունեցող երկրների հնգյակում են Թուրքիան (43%), Լեհաստանը (53%), ԱՄՆ-ը (59%), Մեծ Բրիտանիան (65%) և Լիտվան (70%)։
Հետազոտության հեղինակները Գերմանիայի հեղինակության վատթարացումը արևմտյան գործընկերների շրջանում պայմանավորում են «Ուկրաինային ոչ բավարար ռազմական աջակցությամբ», ինչպես նաև «Հյուսիսային հոսք 2» նախագծին անցյալում «երկարատև աջակցությամբ», որի հավաստագրման գործընթացը կասեցվել էր։