Այն, ինչ ես անում եմ, ոչ մեկին պետք չէ․ «Արխիվ»-ում Լևոն Աթոյանցն է (տեսանյութ)

Ֆիլմեր նկարահանելիս օպերատորը չէր քնում, մտածում էր, պատկերացնում, ցանկանում ստեղծել տարօրինակ ու անսովոր պատկերներ՝ խախտելով կինոյի կանոնները: Ահա այսպիսին է Լևոն Աթոյանց արվեստագետը, որն իր ստեղծագործաական ինքնատիպ գույնն ու ձևը բերեց կինեմատոգրաֆիայի պատմության մեջ։

«Արխիվ» հաղորդաշարն այս անգամ զրուցել է Լևոն Աթոյանցի հետ՝ զրույցի միջոցով արխիվացնելով «Հայֆիլմի» մի ամբողջ պահոց։

Լևոն Աթոյանցը արդեն դժվարությամբ է կարողանում բացել սեփական կինոխցիկի մեծ երկաթե տուփը: Հենց այստեղ են պահվում նրա օբյեկտիվները․ ինը կիլոգրամանոց տեսախցիկն է, որով նկարահանել է իր գրեթե բոլոր ֆիլմերը՝ «Տժվժիկը» «Մորգանի խնամին», «Քաոսը», «Հեղնար աղբյուրը», «Որտե՞ղ էիր, մարդ Աստծո» «Խոշոր շահում» և մյուս բոլոր ֆիլմերը: